I Cjantôrs tal Non di Maria


I Cjantôrs tal Non di Maria a nassin ai 26 di Dicembar dal 2008, cuant che Odino Franco, Guido Badin, Fabio Rivolt, Marino Drigo, Sandro Crasnich, Bruno Razza, Paolo Piccini e Silvano Grion si cjatin in glesie a Capriva par cjantâ, vie pe Messe di Sant Stiefin, cualchi cjançon di Nadâl e la "Orazion dal cuc".

La iniziative e ven preseade de int e di don Claudio che al decît, cul Consei Pastorâl, di celebrâ ogni mês une messe par furlan, compagnade dai Cjantôrs. La sielte e cole su la messe prime (chê des 8 di matine) di ogni prime domenie dal mês.

I prins cjantôrs
I prins cjantôrs

L'agradiment vût al à puartât i Cjantôrs a compagnâ no dome lis messis in furlan ma ancje i Jespui pe Madone, la procession dal Corpus Domini, inovâi di gnocis o di fondazion. A son stâts clamâts a cjantâ ancje a Morâr, Gardiscje, Marian, Cormons, Segnac, Treffen e dilunc dai pelegrinaçs a Barbane, Monsante e Madone di Mont.

I Cjantôrs a vuelin dâi flât a chel spirt dal cjant popolâr che tant al è stât presint te vite e te storie di Capriva e soredut che tant al è stât e al è preseât de int: cjant popolâr, e duncje sempliç, che ducj a puedin compagnâ e gjoldi, jemplant i moments cun sensazions o ricuarts, o semplicis preieris.

I prins cjantôrs
I prins cjantôrs

Il cjant corâl a Capriva


Giovanni TorreGiovanni Torre

La prime corâl che e ven ricuardade e je chê metude sù e direzude di Giovanni Torre (1864 - 1933), prin mestri laic de scuele elementâr di Capriva (scuele a lui dedicade par chest motîf). Cheste corâl e ven nomenade tai anâi pe prime volte ai 10 di Dicembar dal 1922, cuant che e partecipe al "Prin Concors di Côrs Furlans" a Gurize, li dal cine Vitorie, imbastît da sezion C.A.I. locâl pe Fiere di Sant Andree.

Lei dut...

Francesco CapelloGiovanni Torre

Mestri elementâr par cuarante agns, al ven ricuardât, a Capriva e fûr di Capriva, soredut pe sô ativitât di cjantânt e di mestri di côr. Tal 1924 al fondà il "Quartetto friulano" adun cun Renato Portelli e Gigi e Berto Sartori di Marian. Il "Quartetto" al ve grant sucès e al rivà a cjantâ ancje al Vitoriâl, devant di Gabriele D'Annunzio. A Capriva, al impastanà un "Otet" che al cjantà adun fintremai tai agns dal '60.

Lei dut...

Nino CuzzitNino Cuzzit

«O soi dal '22: o ai fat 36 agns di ferovie e 6 li di Maroni, tal ciment; prin dai 13 agns o jeri za a lavorâ, che ca di me e jere fan. O ai fat ancje doi agns di militâr, tal Gjeni dai Pompîrs, e un mês cui partigjans, cun Gusto Badin ch'al vignive de Russie, scjampât fûr de "Sache" cun Tunin Romeo; il Biont e Grion, invezit, a son restâts la sù.»
Fevelade cun Nino Cuzzit, ultin dai cjantôrs dal innomenât "Otet" di Capello.

Lei dut...

RepertoriSecunda Pontificalis

Il repertori de corâl parochiâl al comprendeve in particolâr lis messis di Lorenzo Perosi come la Prima e Secunda Pontificalis (a trê vôs) e la Messa a 3 voci maschili "Cerviana", la Benedicamus Domine e la Eucharistica (a cuatri vôs cun orghin). A compagnavin il coro cul orghin prin il mestri Mario Capello e po la mestre Gianna Marcossi. Ferruccio Marcossi, al sunave ogni tant il viulin.

Lei dut...

Messe par furlan


Presentazion dal Messal Furlan di bande di pre Toni Beline te dì de Fieste di S. Ermacure e Furtunât dal 1978

Di cuant che il mont al è mont no 'nd è stât om, o popul, che no vedin vût un sclip di religjon. Le varan vude a mût lôr, si saran butâts in zenoglon magari denant di un racli, ma a àn crodût in alc. E chest, parcè che la vite no si spiegave di bessole; il dolôr nancje; e la muart ancjemò mancul. E stant che il dolôr e la muart no ju àn ancjemò gjavâts o vinçûts, l’om al crôt ancjemò in alc.

Al pues stai che al buti di bande: par pegrece, o ignorance, o presunzion, o scrupul o cussience chê religjon che al veve cjapât sù di frut; o che si buti cun altris religjons cence signôrs e cence sants, par solit plui flapis e sclagnis di chê dal vieli plevan che al contave chê e simpri chê! Ma nol pues vivi cence crodi in alc, cence vê alc che lu tegni sù.

Il dâsi dongje par preâ adun al à obleât i oms a creâ un stamp di preiere che al vadi ben a ducj, almancul par dut il paîs, che cumò lu clamin comunitât; e di li e je nassude la preiere publiche, di ducj, che i disin liturgjie, o rît.

Lei dut...

Il lezionari furlan
Il lezionari furlan
Il lezionari furlan
Il lezionari furlan

Par cjantâ: il repertori dai Cjantôrs


Ultins tocs

Document PDF
Bon Nadâl

(Happy Xmas) - John Lennon, Yoko Ono

Document PDF
O gnot famose

(O Holy Night) - Adolphe Adam, J. S. Dwight

Document PDF
Ch'e sedi glorie

Fabio Rivolt

Document PDF
Ven ca

(Everybody Hurts) - Bill Berry, Peter Buck, Mike Mills e Michael Stipe